Sol Campbell sáttur með stigið

Sol Campbell, varnarmaður Newcastle, var ánægður eftir að hafa leikið sinn fyrsta byrjunarliðsleik í ensku úrvalsdeildinni fyrir félagið. Hann stóð sig vel í 1-1 jafntefli gegn Englandsmeisturum Chelsea í dag.

„Við þurftum að berjast og leggja mikið á okkur. Chelsea er með mjög gott lið," sagði Campbell eftir leik, ánægður með stigið og eigin frammistöðu. „Ég hef æft vel og lagt mikið á mig. Það er frábært að fá að spila."

Andy Carroll skoraði mark Newcastle og notaði Campbell tækifærið til að hrósa sóknarmanninum sterka. „Það þurfti að tvöfalda á hann. Andy er gríðarlega harður í návígjum og vinnur skallabolta allan leikinn, vonandi heldur hann áfram á sömu braut," sagði Campbell.