Skilaði barninu með bréfmiða

Utanríkisráðherra Rússlands hefur hvatt til þess að hætt verði að leyfa ættleiðingar barna til Bandaríkjanna.

Sergei Lavrov brást þannig við eftir að bandarísk kona í Tennessee skilaði dreng sem hún hafði tekið að sér.

Drengurinn sem nú er átta ára gamall var sendur einn síns liðs í flugvél til Rússlands. Hann hafði með sér bréfmiða þar sem á stóð að honum væri skilað.

Lavrov vill að ættleiðingar til Bandaríkjanna verði stöðvaðar að minnsta kosti þartil yfirvöld í löndunum geti komið sér saman um endurbættar reglur.