Joey Barton ákærður

Það kom nákvæmlega engum á óvart að enska knattspyrnusambandið hafi í dag ákveðið að kæra Joey Barton fyrir ofbeldisfulla hegðun.

Ólátabelgurinn Barton gerði sér lítið fyrir í gærkvöldi og kýldi Norðmanninn Morten Gamst Pedersen þéttingsfast í magann.

Atvikið fór fram hjá dómara leiksins en ekki sjónvarpsmyndavélunum. Hægt er að sjá höggið í fréttinni hér að neðan.

Barton fær tíma fram á morgun til þess að svara ákærunni. Ef hann ákveður að sætta sig við hana fer hann sjálfkrafa í þriggja leikja bann.

Ákveði hann að berjast mun hann geta spilað um helgina og málið yrði svo tekið fyrir í næstu viku.