Rahmbo vill verða borgarstjóri Chicago

Talið er að starfsmannastjóri Hvíta hússins, Rahm Israeli Emanuel, bjóði sig fram til borgarstjóra Chicago árið 2011. Þetta kemur fram á vefsíðu The Daily Telagraph.

Rahm, sem er gyðingur, hefur verið starfsmannastjóri í Hvíta Húsinu síðan Barack Obama tók við völdum en talið er Obama muni tilkynna uppsögn Rahms á morgun.

Rahm hefur verið uppnefndur sem Rahmbo en hann þykir sérstaklega viðskotaillur í stjórnmálaheiminum. Honum er lýst sem vígamanni sem taki enga fanga.

Ein sagan segir að hann hafi sent starfsmanni í Hvíta húsinu dauðan fisk í kassa vegna þess að hann var of seinn að koma kosningaúrslitum til hans þegar hann starfaði fyrir Bill Clinton árið 1996.

Tony Blair hitti Rahm eitt skiptið þegar hann hélt stuðningsræðu handa Clinton eftir að hann var ákærður fyrir að ljúga því að hann hefði átt í kynlífssambandi við lærlinginn sinn.

Þá á Rahm að hafa sagt við Tony rétt áður en hann hélt ræðuna: -„Dont fuck this up."

Þá segir sagan ennfremur að Tony Blair og Clinton hafi sprungið úr hlátri þegar Rahm lét orðin falla.

Rahm er þekktur fyrir að vera orðljótur með meiru. Meðal annars sagði hann við frjálslynda aktívista að þeir væru „þroskaheftir hálfvitar" fyrir að ætla að hefja ófrægingaherferð gegn demókrötum sem studdu ekki heilbrigðisfrumvarp Obama á síðasta ári.

Ummælin láku út af fundinum og varð til þess að Rahm þurfti að biðja fatlaða opinberlega afsökunar á ummælum sínum.