Fótbolti

Þórður Steinar og Símun skoruðu í grannaslag í Þórshöfn

Eiríkur Stefán Ásgeirsson skrifar
Þórður Steinar Hreiðarsson í leik með Þrótti árið 2008.
Þórður Steinar Hreiðarsson í leik með Þrótti árið 2008. Mynd/Anton
HB og B36 gerðu í dag 2-2 jafntefli í færeysku úrvalsdeildinni í knattspyrnu í miklum grannaslag en bæði lið eru frá Þórshöfn.

Símun Samuelsen, fyrrum leikmaður Keflavíkur, kom HB yfir með marki á 24. mínútu leiksins en B36 skoraði tvö mörk með fjögurra mínútna millibili stuttu síðar.

Þórður Steinar Hreiðarsson jafnaði svo metin fyrir HB á 67. mínútu og reyndist það lokamark leiksins.

Kristján Guðmundsson er þjálfari HB en liðið er nú í öðru sæti deildarinnar með átján stig, jafn mörg og ÍF sem er með betra markahlutfall.

Fótbolti Fótbolti á Norðurlöndum

Mest lesið


Fleiri fréttir

Sjá meira


×

Mest lesið