Norðmenn hætta að veiða þorsk

Eins og við Ísland er ágæt þorskveiði undan ströndum Lofoten á þessum árstíma. Engu að síður liggja bátarnir í höfn.

Skipstjórarnir hafa fengið þau skilaboð frá fiskkaupmönnum að þeim sé best að hætta að veiða þorsk vegna þess að ekki sé hægt að selja hann.

Margir fiskkaupmenn þora ekki kaupa fisk til að að salta eða þurrka af ótta við að verðið í haust verði lægra en kaupverð þeirra er í dag.

Margar fiskiðjur við ströndina hafa fækkað starfsfólki og aðrar sjá framá gjaldþrot.

Bátasjómenn eru að vonum uggandi um sinn hag.

Margar útgerðir í Noregi eru mjög skuldsettar eins og einnig er raunin hér á landi. Á þessari stundu er alls óvíst um hvernig þeim reiðir af.