Piparúðinn vekur athygli

„Lögreglan beitir piparúða á íslenska mótmælendur" er fyrirsögnin á frétt Reuters-fréttastofunnar um mótmælin á Austurvelli.

Fréttir af mótmælunum birtust í mörgum helstu fjölmiðlum heims, þar á meðal á vefsíðum breska útvarpsins BBC og bresku dagblaðanna Guardian, Times og Telegraph. Þá var sagt frá mótmælunum víða á Norðurlöndum, svo sem í finnska og norska ríkisútvarpinu.

Skýrt er frá því að eitt til tvö þúsund manns hafi safnast saman fyrir utan Alþingishúsið, barið þar á potta og pönnur og tuttugu manns hafi verið handteknir.- gb / ghs