Shawcross ítrekar að hann sé ánægður hjá Stoke

Varnarmaðurinn efnilegi Ryan Shawcross hjá Stoke er skyndilega orðinn bitbein á milli stórliðanna Manchester United og Liverpool ef marka má breska fjölmiðla síðustu daga en leikmaðurinn sjálfur er rólegur yfir orðrómunum.

„Ég er ekkert að spá í þetta því blöðin eru komin með ný nöfn á hverjum degi. Ég hef ekkert heyrt af neinum kauptilboðum eða neitt slíkt og veit ekki betur en ég sé og verði áfram leikmaður Stoke og ég er bara mjög ánægður hjá félaginu.

Ég á knattspyrnustjóranum Pulis mikið að þakka þar sem hann hafði trú á mér þegar fáir aðrir höfðu það og breytti mér í úrvalsdeildarleikmann," segir Shawcross í viðtali við Stoke Sentinel.