Öskuregn í Tokyo

Ösku rigndi í morgun yfir úthverfi Tokyo þegar gos hófst í eldfallinu Asama. Fjallið er um hundrað og fjörutíu kílómetra norðvestur af höfuðborg Japans. Viðvörun hefur verið gefin út og fólki bannað að fara innan við fjóra kílómetra að fjallinu. Aska hefur fallið til jarðar í allt að hundrað sjötíu og fimm kílómetra fjarlægð frá fjallinu og grjóthnullungar fundist í þúsund metra fjarlægð.

Engar fregnir hafa borist af slysum á fólki eða skemmdum á mannvirkjum.

Asama, sem er eitt af hundrað og átta virkum eldfjöllum í Japan, gaus síðast árið 2004.