Kynferðisglæpamönnum hent út af MySpace

Aðgangi um það bil 90 þúsund skráðra kynferðisglæpamanna að samskiptavefnum MySpace hefur verið lokað í kjölfar átaks bandarískra yfirvalda í þá átt að auka öryggið á opnum samskipta- og spjallvefjum á Netinu.

Einnig hefur aðgengi eldri notenda að upplýsingum um þá, sem eru undir 18 ára aldri, verið takmarkað. Talsmaður fyrirtækisins sem rekur MySpace segir þessa tiltekt á vefnum mjög jákvæða og séu öryggisfulltrúar fyrirtækisins ákaflega sáttir við átakið. Rúmlega 125 milljónir netnotenda heimsóttu MySpace í desember.