Biden lofar breytingum á utanríkisstefnu Bandaríkjanna

Joe Biden, varaforseti Bandaríkjanna, heitir því að Bandaríkin hverfi frá þeirri einangrunarstefnu sem Bush stjórnin markaði. Þetta sagði Biden í ræðu sem hann hélt á ráðstefnu um varnarmál í dag. Hann sagði að það væri tími til þess að endurvekja tengsl Washington við Rússland og ræða við Írana.

Í ávarpinu sagðist Biden hafa áhyggjur af samskiptum við Rússa eftir mikil átök þeirra við Georgíumenn í fyrra og vegna áforma Bandaríkjanna um að setja upp varnarkerfi í miðri Evrópu.