Reykingamaður lést þegar hann kveikti í súrefniskút

Velskur hjartasjúklingur á áttræðisaldri lést þegar hann kveikti í súrefniskút sem hann notaði til öndunaraðstoðar en maðurinn var þá að kveikja sér í vindli með kútinn sér við hlið.

Hinn látni, John Nixon, kærði sig kollóttan um allar öryggisleiðbeiningar og var að sögn ekkju hans eins og lítið óþekkt barn, sauðþrjóskur og harðákveðinn í að reykja sig í gröfina. Hún mætti manni sínum alelda á gangi heimilis þeirra og tókst að slökkva í honum með vatni. Hann lést svo af brunasárum á sjúkrahúsinu.