Bilic segist vita um veikleika enska landsliðsins

Slaven Bilic, þjálfari króatíska landsliðsins, er byrjaður að hita upp fyrir leikinn á móti Englandi á Wembley á miðvikudaginn. England hefur unnið alla sjö leiki sína í undankeppni HM og tryggir sér sigur í riðlinum og sæti á HM í Suður-Afríku næsta sumar með sigri.

„England er allt öðruvísi lið undir stjórn Capello. Þeir hafa nokkra styrkleika en það vantar einnig ýmislegt í þeirra leik. Ég veit hvar veikleikarnir þeirra eru en ætla ekki að segja ykkur frá því núna því það er leyndarmál," sagði Bilic sposkur.

Hann sagði líka sakna enska stílsins í leik liðsins eitthvað sem að hans mati hefur gert liðum erfitt fyrir í gegnum tíðina.

Bilic talaði líka um að 3-2 sigur Króata á Wembley í nóvember 2007 spili stóra sálfræðirullu hjá ensku leikmönnunum en með því tapi áttu Englendingar ekki lengur möguleika á að komast á EM 2008.