Dulbjó sig sem stúlku á Facebook

Átján ára gamall nemi í Bandaríkjunum er sakaður um að hafa dulbúið sig sem stúlku á Facebook og narrað að minnsta kosti 31 samnemanda til þess að senda sér nektarmyndir af þeim. Pilturinn kúgaði svo pening út úr sumum fórnarlambanna. Pilturinn, Anthony Stancl frá Nýju Berlín í Milwaukee, var jafnframt ákærður á miðvikudaginn fyrir ítrekaða kynferðislega áreitni og kynferðislegt ofbeldi gagnvart börnum. Hann var jafnframt ákærður fyrir sprengjuhótun. Lögfræðingur piltsins segir að hann muni neita sakargiftum og að hann vonist til að ná sáttum hjá dómaranum.

Það var vefur breska blaðsins Telegraph sem greindi frá.