Brown hvetur til sátta í vinnudeilu

Gordon Brown, forsætisráðherra Bretlands, hvatti starfsmenn Lindsey-olíuhreinsunarstöðvarinnar í Lindsey í Lincolnskíri til að ná sáttum í vinnudeilu sinni og láta af verkfalli sínu sem staðið hefur frá því í síðustu viku. Þetta gerðist í fyrirspurnartíma í breska þinginu í gær.

Starfsmennirnir eru öskureiðir yfir þeirri ákvörðun stjórnenda olíuhreinsistöðvarinnar að ráða erlent vinnuafl til framkvæmda við stöðina, til að draga úr kostnaði. Nýjasta tilboð stjórnenda hljóðar upp á að 102 Bretar fái fullt starf í að minnsta kosti níu vikur við framkvæmdirnar.