Nýtt gjald fyrir óendurvinnanlegt sorp í Bretlandi

Nú styttist í að sveitarstjórnum í Bretlandi verði kleift að rukka þegna sína um allt að 9.500 krónur fyrir að henda óendurvinnanlegum úrgangi í heimilissorptunnur sínar. Upplýsingar um þetta munu berast yfirvöldum gegnum örflögur sem komið verður fyrir í tunnunum.

Eins mun aukagjald leggjast á þau heimili sem oftar þarf að tæma tunnurnar hjá en viðmið segja til um. Breska umhverfisráðuneytið leggur til að hámarksupphæð gjalda miðist við áðurnefndar 9.500 krónur en í raun er ekkert þak á upphæðinni og hefur Íhaldsflokkurinn gagnrýnt ríkisstjórnina harðlega fyrir slíka leyniskattlagningu eins og það er kallað.