Öngþveiti á breskum vegum í gær vegna snjóa

Öngþveiti ríkti á vegum víða um Bretland í gær þegar blindhríð skall á og teppti enn á ný umferð á vegum og almenningssamgöngur, bæði um flugvelli og með lestum.

Verst var ástandið í Essex og Glósturskíri þar sem mörg hundruð skólar lokuðu dyrum sínum og fólk var veðurteppt frá vinnu. Þyrlur Konunglega flughersins voru kvaddar á vettvang til að bjarga tveimur strandaglópum sem höfðu farið fótgangandi á fjöll og tæplega eitt þúsund vörubílar komust hvorki lönd né strönd í umferðarteppu nærri Coventry. Spáð er betra veðri í dag en þó útiloka veðurfræðingar ekki snjókomu.