Kínverjar leggjast í ferðalög

Kínverjar ferðast nú til útlanda sem aldrei fyrr til að taka sér frí frá lægðum í veðri og hagkerfi. Ár uxans gengur í garð í Kína á mánudaginn og nú ber svo við að margir fagna því með því að ferðast til Víetnam og Kambódíu í stað þess að heimsækja ættingja og vini í Kína eins og siður er um áramót.

Ferðalög til útlanda er tiltölulega ný bóla í Kína og þótt efnahagslægð hafi dregið úr slíkum ferðum er mikið um það þessa dagana að Kínverjar séu á faraldsfæti. Hitinn í Víetnam og Kambódíu freistar töluvert en kalt er víða í Kína um þessar mundir.