Græddi 13 milljarða á hruninu

Fjölskyldufaðir í smábænum Köge í Danmörku græddi 700 milljónir danskra króna á hruninu á hlutabréfamarkaðinum.

Það gerir um 13,4 milljarða íslenskra króna. Danska viðskiptablaðið Börsen nafngreinir ekki manninn en segir að hann sé fyrrverandi bílainnflytjandi.

Fjölskyldufaðirinn hóf viðskipti sín um mitt síðasta ár með núll krónur í höfuðstól.

Þegar hlutabréfin hrundu í verði keypti hann þau aftur fyrir slikk.

Þvínæst skilaði hann bréfunum til þeirra sem hann fékk þau lánuð hjá og hélt eftir mismuninum á verðinu, litlum 700 milljónum danskra króna.

Börsen segir að þetta bragð sé þekkt í viðskiptalífinu en afar sjaldgæft að einstaklingar notfæri sér það.