Hugðist brenna lík í ofni fyrir dýrahræ

Breskur framkvæmdastjóri er grunaður um að hafa myrt eiginkonu sína til 14 ára og sagt fimm börnum þeirra hjóna að hún hefði hreinlega látið sig hverfa. Þá hafi hann reynt að fá félaga sinn til að brenna lík hennar í brennsluofni fyrir gæludýrahræ en ekki tekist.

Þessir atburðir gerðust fyrir tæpum tíu árum en maðurinn var ekki handtekinn fyrr en í fyrra þegar lögregla tók að skoða málið á nýjan leik. Ekkert lík hefur fundist en maðurinn fékk á sínum tíma bíl vinnufélaga síns lánaðan yfir helgi ásamt skóflu. Hvoru tveggja skilaði hann á mánudeginum. Málið er nú til meðferðar hjá dómstólum.