Markaleysi hjá Íslendingaliðunum í ensku b-deildinni

Það gekk lítið að skora hjá Íslendingaliðunum í ensku b-deildinni í gær. Burnley var eina liðið hjá okkar mönnum sem komst á blað.

Jóhannes Karl Guðjónsson kom inn á sem varamaður á 70. mínútu í 1-1 jafntefli Burnley á útivelli á móti Derby. Burnley var ótrúlega nálægt því að vinna leikinn því Derby jafnaði á 90. mínútu.

Aron Einar Gunnarsson lék allan leikinn með Coventry í markalausu jafntefli liðsins á móti Reading. Brynjar Björn Gunnarsson og Ívar Ingimarsson voru hvorugir með Reading vegna meiðsla.

Heiðar Helguson er meiddur og gat ekki spilað með QPR sem gerði markalaust jafntefli við Crystal Palace.