Jákvæður fyrir sjálfstæði Palestínu

Forsætisráðherra Ísraels, Benjamin Netanyahu mun taka undir þá kröfu að stofna sjálfstætt ríki fyrir Palestínu á fundi við Obama Barrack Bandaríkjaforseta sem verður haldin í vikunni.

Þetta túlkar fréttastöðin Fox út úr orðum varnamálaráðherra Ísraels, Ehud Barak. Þetta myndu verða vatnaskil í afstöðu Benjamíns sem hefur áður sagt að hann trúi því ekki að Palestínumenn séu tilbúnir að verða sjálfstæðir.

Fyrir hefur Joe Biden hvatt ísraels stjórnvöld til friðarumleitana við Palestínu. Svo virðist sem stjórnvöld séu tilbúin að fara semja um frið en ástandið á Gaza svæðinu hefur verið sérstaklega slæmt síðastliðna mánuði. Þá sérstaklega eftir mánaðarárásir Ísraela eftir að hryðjuverkamenn skutu flugskeytum inn á land þeirra í janúar.