Alþjóðasamfélagið verður að bregðast við

Barack Obama, forseti Bandaríkjanna, fordæmdi í dag kjarnorkutilraun Norður-Kóreumanna og sagði ljóst að alþjóðasamfélagið verði að bregðast við. „Kjarnorku- og eldflaugaáætlanir Norður-Kóreu eru alvarleg ógn við öryggi og frið í heiminum og ég fordæmi þessar æfingar harðlega," sagði Obama á blaðamannafundi í Washington í dag.

Hann bætti því við að Bandaríkin og alþjóðasamfélagið verði að bregðast við á viðeigandi hátt en forsetinn fór ekki nánar út í með hvaða hætti það yrði.