Ráðherra hugnast þjóðaratkvæði um Icesave

Ögmundur Jónasson, heilbrigðisráðherra, segist vel geta sætt sig við að kosið verði um Icesave-samkomulagið í þjóðaratkvæðagreiðslu.

Þetta kom fram í máli ráðherrans á Alþingi í dag þegar Höskuldur Þórhallsson, þingmaður Framsóknarflokksins, spurði hvort hann sem annálaður lýðræðissinni tæki undir með þingmönnum Framsóknarflokksins og Borgarahreyfingarinnar um að fram fari sérstök þjóðaratkvæðagreiðsla um Icesave-málið.

„Mér finnst engin mál of snúin fyrir þjóðina. Það á við um þau mál sem hér voru nefnd og önnur," sagði Ögmundur við fyrirspurn Höskulds.

Þá kom fram í máli ráðherrans að hann ætli að gera grein fyrir afstöðu sinni til Icesave-málið í umræðum um ríkisábyrgð vegna samkomulagsins á Alþingi síðar í dag.