Vilja leiðtoga uppreisnarmanna framseldan

Ráðamenn í Kongó hafa óskað eftir því að Laurent Nkunda, leiðtogi uppreisnarmanna í landinu, verði framseldur. Ráðamenn í Rúanda tilkynntu í gærmorgun að herlið þeirra hefði tekið Nkunda höndum í búðum hands við landamærin að Úganda.

Handtakan kemur nokkuð á óvart í ljósi þess að Nkunda hefur hingað til notið stuðnings ráðamanna í Rúanda. Hann hefur leitt uppreisnarmenn í austurhluta Kongó þar sem barist var af hörku seinni hluta síðasta árs, eða allt þar til friðarviðræður hófust.

Ráðamenn í Kongó krefjast þess að hann verði framseldur vegna ásakana um ýmis ódæðisverk liðsmanna hans í bardögum við hermenn. Stjórnvöld í Rúanda hafa ekki tjáð sig um hvort Nkunda verði framseldur.