Farþegar skemmtiferðaskips strandaglópar í rúman sólarhring

Yfir hundrað farþegar sem hafa verið fastir um borð í skemmtiferðaskipinu Ocean Nova við suðurskautslandið verða fluttir frá borði nú í kvöld. Skipið sem strandaði í gær hafði viðkomu í Vestmannaeyjum í sumar.

Skipið sem er frá Bahamaeyjum var með 113 farþega innanborðs þegar það strandaði nálægt Argentískri herstöð í gær að sögn BBC.

Samkvæmt upplýsingum frá herstöðinni er annað skip á leiðinni sem mun flytja 74 farþega til borgarinnar Ushuaia. Ekki kom til eldsneytisleka þegar skipið strandaði og enginn meiddist að sögn hersöðvarinnar.

Miklir vindar eru á svæðinu sem ýttu skipinu að skerjum að sögn Patrick Shaw forstjóri félagsins sem á skipið.

Hann sagði einnig að um borð væru 21 bandaríkjamaður, 17 bretar, 18 filipseyingar, átta kanadamenn, sjö ástralar, fimm írar og fimm suður afríkubúar auk annarra.