Hörð átök á Srí Lanka

Stjórnarher Srí Lanka mun við það að leggja undir sig hafnarbæinn Múllætívú í austurhluta landsins. Hart mun barist þar þessa stundina. Bærinn er sá síðasti sem er á valdi uppreisnarmanna Tamíltígra.

Stjórnarherinn hefur sótt nær linnulaust gegn tígrunum með það að markmiði að binda enda á stríð hers og tígra sem geisað hefur í aldarfjórðung. Talsmaður hersins segir að umsátur hafi verið um bæinn um nokkurt skeið líkt og önnur svæði tígranna sem herinn hefur langt undir sig á síðustu vikum.

Stjórnvöld á Srí Lanka sögðu upp vopnahléssamning fyrir rétt rúmu ári en Íslendingar og aðrar norrænar þjóðir höfðu eftirlit með framkvæmd hans. Síðan þá hefur stjórnarherinn sótt hart að uppreisnarmönnum sem berjast fyrir sjálfstæðu ríki Tamíla.