Hestar fara illa út úr kreppunni

Hestar hafa mjög fengið að finna fyrir efnahagskreppunni. Þeir eru stórir og dýrir í rekstri. Í Bretlandi og Bandaríkjunum sjá æ fleiri eigendur framá að þeir hafi ekki efni á að eiga þá lengur.

Það er heldur ekki hægt að selja þá í þessu árferði. Eigendunum er því vandi á höndum því til dæmis er ekki hægt að keyra útfyrir bæinn og skilja hestana þar eftir eins og vont fólk gerir stundum við hunda og ketti.

Cathy Hackett rekur dýraathvarf í New Hampshire í Bandríkjunum og á meðfylgjandi mynd sést hún leiða smáhest sem hún tók að sér þegar eigandinn varð gjaldþrota.

Þeir sem reka dýraathvörf eru hinsvegar að komast í mikinn vanda. Verðlag hefur hækkað, styrktaraðilum hefur fækkað og hestunum fjölgar stöðugt.

Ef fram heldur sem horfir má búast við stórfelldri slátrun á hestum áður en langt um líður.