Gyðingar slíta sambandi við Páfagarð

Miðstjórn samtaka gyðinga í Þýskalandi hefur slitið öllu sambandi við kaþólsku kirkjuna eftir að Benedikt páfi leysti undan bannfæringu biskup sem hefur lýst efasemdum um helförina.

Hinn breskættaði biskup Richard Williamson sagði í viðtali við sænska sjónvarpsstöð að hann teldi ekki að neinir gasklefar hefðu verið til og að í mesta lagi 300 þúsund gyðingar hefðu látið lífið í búðum nazista. Ekki þær sex milljónir sem sagan segir frá.

Hinn þýskættaði Benedikt páfi hefur heimsótt Auschwitz útrýmingarbúðirnar. Hann reyndi að milda gyðinga vegna endurreisnar biskupsins með því að fordæma helförina enn einusinni og segja hana vera viðvörun fyrir allt mannkyn.

Það gekk ekki upp hjá þýskum gyðingum.