Ísraelar gerðu loftárás á Gaza

Ísraelskur hermaður féll og þrír aðrir eru slasaðir eftir að sprengjuárás var gerð á bílalest sem þeir voru í við landamæri Gazasvæðisins. Ísraelskir herinn gerði í kjölfarið árás inn á Gaza og segja sjúkraliðar að einn palestínumaður hafi fallið í árásinni.

Að auki gerðu Ísraelar loftárás á Gaza og herma fréttir að einn Hamasliði hafi særst í árásinni. Þetta eru alvarlegustu átökin á svæðinu síðan fallist var á vopnahlé á milli stríðandi fylkinga á dögunum.

Von er á sérstökum erindreka Baracks Obama forseta Bandaríkjanna til svæðisins en forsetinn hefur falið honum að koma á varanlegu vopnahléi á Gaza.