Frábærar fréttir fyrir Liverpool - Gerrard framlengdi

Liverpool-menn fengu góðar fréttir í morgun þegar ljóst var að Steven Gerrard, fyrirliði Liverpool, væri búinn að framlengja samning sinn við félagið til ársins 2013.

Steven Gerrard, sem er 28 ára gamall, bætti tveimur árum við núverandi samning sinn sem þýðir að hann verður á Anfield til ársins 2013 eða þangað til að hann verður 32 ára gamall.

„Þetta eru frábærar fréttir fyrir klúbbinn," sagði Rafa Benitez, stjóri Liverpool í viðtali á heimasíðu félagsins. „Steven heldur áfram að sýna félaginu tryggð og það var auðvelt að samþykkja samninginn. Hann sagði líka já um leið og við buðum honum framlengingu," sagði Benitez.

„Það er mikil hvatning fyrir félagið að vita að við höfum hæfileikaríkan mann eins og Steven með okkur í mörg ár til viðbótar. Ég tel að hann eigi sín bestu ár eftir," sagði Rafa Benitez.