Innlent

Peningaþvætti og tryggingasvik tengjast mansalsmálinu

Mynd/GVA

Fólkið sem situr í gæsluvarðhaldi í tengslum við mansalsmálið, svonefnda, er jafnframt grunað um peningaþvætti, íkveikju og tryggingasvik. Fólkið er talið tengjast bruna í gamla fiskimarkaðnum við Sólvelli á Grundarfirði í lok ágúst. Þá var tugmilljón króna tjón þegar húsnæðið, tæki og veiðarfæri brann til kaldra kola. Þetta kom fram í kvöldfréttum Ríkisútvarpsins. Maðurinn sem grunaður er um íkveikjuna á Grundarfirði keypti nýverið helming þeirra húsa sem brunnu.

Yfirheyrslur hafa staðið yfir undanfarna daga en gæsluvarðhald yfir fólkinu rennur út á morgun. Frekari handtökur hafa ekki verið útlokaðar, samkvæmt frétt Rúv.


Tengdar fréttir

Ákært fyrir vændi og mansal í fyrsta skipti

Catalina Mikue Ncogo, íslensk kona ættuð frá Miðbaugs-Gíneu, hefur verið ákærð fyrir mansal og vændisstarfsemi. Henni er meðal annars gefið að sök að hafa blekkt unga konu til landsins og haldið henni hér í kynlífsánauð. Aldrei áður hefur verið ákært í mansals- eða vændismáli á Íslandi.

Konan frá Litháen fannst í Reykjavík

Litháíska konan sem Lögreglan á Suðurnesjum lýsti eftir í gær fannst í Reykjavík rétt fyrir miðnættið. Eftir umfjöllun fjölmiðla um málið barst lögreglunni ábending um hvar hún kynni að vera niðurkomin og var hún handtekin.

Sjötti maðurinn handtekinn - stúlkan aðeins 19 ára

Sjötti maðurinn, sem talinn er tengjast meintu mansalsmáli á Suðurnesjum, verður yfirheyrður í dag. Litháíska stúlkan sem kom hingað til lands, hugsanlega til að stunda vændi, er nítján ára. Maðurinn, sem einnig er Lithái og búsettur hérlendis, var handtekinn í gærkvöldi. Hann er nú í haldi lögreglu og verður yfirheyrður síðdegis. Í framhaldinu verður tekin ákvörðun um hvort óskað verði eftir gæsluvarðhaldsúrskurði yfir honum.

Rannsóknin á viðkvæmu stigi

Lögregla vann alla helgina að rannsókn meints mansalsmáls á Suðurnesjum. Um það bil tuttugu lögreglumenn af Suðurnesjum og höfuðborgarsvæðinu hafa það með höndum. Ekki eru veittar upplýsingar að svo stöddu en málið sagt á mjög viðkvæmu stigi. Á morgun rennur út gæsluvarðhald yfir sjö mönnum, sem setið hafa inni að undanförnu vegna rannsóknar málsins. Um tvo Íslendinga og fimm Litháa er að ræða. Rannsóknin snerist í fyrstu um meint mansal. Nú eru til rannsóknar fleiri brotaflokkar, þar á meðal peningaþvætti og ofbeldisbrot.

Konan sem trylltist horfin - lýst eftir henni og einum Litháanna

Lögreglan á Suðurnesjum lýsir eftir litháískri konu sem grunur leikur á að sé fórnarlamb mansals. Konan ferðaðist hingað til lands undir nafninu Ieva Grisiúte en talið er að ferðaskilríkin sem hún framvísaði séu stolin.

Litháarnir tengjast allir komu stúlkunnar

Litháarnir sem sitja í gæsluvarðhaldi vegna meints mansalsmáls á Suðurnesjum tengjast allir komu nítján ára litháískrar stúlku hingað til lands fyrr í mánuðinum. Þrír Íslendingar sem sitja einnig í gæslu tengjast allir Litháunum, að hluta til í gegnum atvinnustarfsemi, en einnig með öðrum hætti sem lögregla rannsakar nú. Mansal, tryggingasvik, ofbeldisbrot, fíkniefnabrot, skjalafals og peningaþvætti eru til rannsóknar hjá lögreglunni vegna málsins. Lögreglan rannsakar einnig hvort um skipulegt mansal sé að ræða hér á landi.

Femínistar vilja vitnavernd og lokun súlustaða

Femínistafélag Íslands krefst þess að súlustaðir verði lokaðir og að fórnalamba- og vitnavernd verði innleidd í íslensk lög í samræmi við alþjóðasamninga og að aðgerðaráætlun gegn mansali verði hrint í framkvæmd strax samkvæmt tilkynningu frá félaginu.

Mansalsmál: Vinnuveitendur Litháanna í einangrun

Litháar, sem eru í haldi vegna rannsóknar á mansalsmáli, störfuðu hjá verktakafyrirtæki hér á landi og hafa íslenskir eigendur þess verið úrskurðaðir í vikulanga einangrunarvist. Annar Íslendinganna á að hafa hringt í lögreglu fyrir starfsmenn sína til að spyrjast fyrir um litháíska stúlku, sem talið er að hafi átt að neyða í vændi á Íslandi.

Mest lesið


Fleiri fréttir

Sjá meira


×

Mest lesið