Þúsundir mótmæla Pútín

Þúsundir mótmælenda hafa komið saman á fjöldafundi í austurhluta Rússlands þar sem þess er krafist að ríkisstjórn landsins segi af sér vegna efnahagsvandans sem þar ríkir. Mótmælendur í Vladivostok skella skuldinni á Vladimir Pútín forsætisráðherra og vilja meina að hann hafi haldið illa á spöðunum hvað varðar efnahagsmál. Þeir vilja einnig meina að hann hafi leynt þjóðina pólitískum ágreiningi sem þar ríkir.

Fjöldafundurinn, sem var friðsamur, er sá fyrsti í röð mótmæla sem búist er við í landinu í dag. Aðrir mótmælafundur víðsvegar um Rússland hafa verið leystir upp af stjórnvöldum.

Mótmæli sem þessi voru óhugsandi fyrir aðeins nokkrum mánuðum þegar efnahagurinn blómstraði og olíuverð náði nýjum hæðum í heiminum, segir Richard Galpin fréttamaður BBC í Moskvu.

Richard segir að nú sé staðan hinsvegar önnur þar sem efnahagur landsins sé í miklum vandræðum og fólk óttist hvað framtíðin ber í skauti sér.

Atvinnuleysi eykst með hverjum deginum og verð á helstu nauðsynjavörum hækkar.