Erlent

Gáfust upp á að prenta peninga

Óli Tynes skrifar
Fimmtíu milljóna dollara seðillinn varð gagnslaus á nokkrum dögum.
Fimmtíu milljóna dollara seðillinn varð gagnslaus á nokkrum dögum.

Seðlabankinn í Zimbabwe reyndi í dag að hressa upp á dollara sinn með því að skera tólf núll aftan af honum.

Í síðustu viku var þar gefinn út trilljón dollara seðill. Verðbólga í Zimbabwe nemur milljónum prósenta og stjórnvöld hafa gefist upp á að prenta sífellt stærri mynteiningar.

Það er fátt um góðar fréttir í Zimbabwe. Um leið og tilkynnt var um núll skurðinn af dollaranum skýrði seðlabankinn frá því að gullnám í landinu hefði minnkað um helming. Árið 2007 var hún rúm sex tonn en aðeins þrjú tonn á síðasta ári.





Mest lesið


Fleiri fréttir

Sjá meira


×

Mest lesið