Innlent

Ráðherra tjáir sig ekki um mál séra Gunnars

Ragna Árnadóttir, dómsmálaráðherra, vill ekkert tjá sig um þá ákvörðun Biskups um að flytja séra Gunnar Björnsson til í starfi. Fréttastofa náði tali af ráðherranum í morgun og þá sagði hún að máli væri alfarið á könnu þjóðkirkjunnar og Biskup væri yfirmaður hennar.

Séra Gunnar mun í dag funda með lögmanni sínum um framhaldið en hann íhugar að stefna þjóðkirkjunni vegna tekjutaps sem hann hefur orðið fyrir með ákvörðunum biskups.




Tengdar fréttir

Séra Örn styður biskup gegn séra Gunnari

Presturinn Örn Bárður Jónsson þakkar Davíð Þór Jónssyni guðfræðinema, fyrir pistil í Fréttablaðinu í dag og lýsir yfir stuðningi við afstöðu biskups Íslands í umdeildu máli séra Gunnars Björnssonar sem hefur verið færður til í starfi.

Séra Gunnar snýr ekki aftur - fær vinnu á Biskupsstofu

Biskup Íslands hefur í dag flutt sr. Gunnar Björnsson úr embætti sóknarprests á Selfossi, í embætti sérþjónustuprests við Biskupsstofu. Ákvörðunin tekur gildi frá og með deginum í dag, 15. október 2009. Séra Óskar Hafsteinn Óskarsson mun gegna embætti sóknarprests á Selfossi þar til nýr prestur verður valinn.

Styrktarhópur til stuðnings stelpunum stofnaður

Hópur kvenna hefur stofnað styrktarhóp til stuðnings stelpum á Selfossi sem kærðu séra Gunnar Björnsson fyrir kynferðisbrot. Konurnar eiga það sameiginlegt að hafa frá svipuðum atvikum að segja eftir samskipti sín við Gunnar þegar hann var sóknarprestur á Bolungarvík.

Tíu prestar taka upp hanskann fyrir sr. Gunnar

Tíu prestar, þar á meðal sóknarprestur fjölmennustu sóknar landsins, skrifa Biskupi bréf, til varnar séra Gunnari Björnssyni. Þeir telja að hættulegt fordæmi geti skapast, verði séra Gunnar færður til í starfi, vegna siðferðsbrots gegn ungum sóknarbörnum.

Séra Gunnar getur ekki hunsað biskup

Vel á annað hundrað manns mætti á opinn fund sem séra Gunnar Björnsson og stuðningsmenn hans stóðu fyrir á Selfossi í gærkvöldi. Fundurinn hófst með því að gestir sungu saman lagið Fyrr var oft í koti kátt, og voru fundargestir í kjölfarið hvattir til að tjá hug sinn allan.

Ætlar að hundsa tilmæli biskups

Séra Gunnar Björnsson neitar að verða við tilmælum biskups um að fara frá Selfossi. Biskup vill að Gunnar verði sérþjónustuprestur við Biskupsstofu, og hætti á Selfossi.

Sóknarbarn séra Gunnars: Fær martraðir um nætur

Móðir einnar stúlkunnar sem séra Gunnar Björnsson faðmaði, kyssti og strauk þannig að dómsmál varð úr, segir dóttur sína enn fá martraðir vegna málsins. Hún segir erfitt hvað það hafi dregist á langinn.

Mál séra Gunnars vekur upp guðfræðilegar spurningar

„Fyrir okkur er það líka alvarleg staða að lesa megi út úr ferli þessa máls, að Þjóðkirkjan skuli ætla sér annað réttarfar en samfélagið sem hún á að þjóna. Það vekur einnig upp guðfræðilegar spurningar í lúterskri kirkju," þetta er meðal þess sem kemur fram í bréfi sem tíu prestar hafa skrifað Biskupi Íslands til varnar séra Gunnari Björnssyni, en Gunnar hefur sem kunnugt er verið í leyfi síðustu tvö árin vegna ásakana um kynferðisbrot gegn sóknarbörnum sínum.

Biskup hafi vald til að flytja séra Gunnar

Biskup Íslands telur að séra Gunnari Björnssyni beri að víkja frá Selfossi, með vísan í lög um réttindi og skyldur starfsmanna ríkisins. Gunnar ætlar sér hvergi og hefur boðað til fundar með stuðningsmönnum á Selfossi í kvöld.

Siðanefnd presta skilgreini brot séra Gunnars og beiti viðurlögum

Æskulýðssamband þjóðkirkjunnar (ÆSKÞ) hefur sent frá sér ályktun vegna mála séra Gunnars Björnssonar. Þar er siðanefnd Prestafélags hvött til þess að taka tillit til 6. greinar siðareglna félagsins þar sem nefndinni er gert að skilgreina alvarleika brota og beita tilteknum viðurlögum sem annað hvrort eru áminning eða vísun máls til stjórnar Prestafélags Íslands þar sem tekin skuli ákvörðun um hvort viðkomandi verði vísað úr félaginu.

Mest lesið


Fleiri fréttir

Sjá meira


×

Mest lesið