Yfir 2.000 Bretar geta ekki unnið vegna offitu

Rúmlega 2.000 Bretar þiggja samtals einn og hálfan milljarð króna á ári í örorkubætur vegna þess að þeir teljast of feitir til að vinna. James Clappison, skuggaráðherra atvinnumála, segir það ótækt að slík upphæð lendi á skattgreiðendum og segir Verkamannaflokkinn lítið hafa aðhafst til að sporna við offitu en vandamálið hafi lengi verið eins og tifandi tímasprengja og það hafi heilbrigðisstarfsfólk oft bent á. Um það bil fjórði hver Breti er yfir kjörþyngd og er því spáð að það hlutfall verði komið í einn af hverjum þremur árið 2012.