Google býður í reisu um heimshöfin

Google Earth er í sífelldri endurnýjun og í gær voru kynntar nýjungar þar sem meðal annars er hægt að ferðast neðansjávar um heimshöfin.

Það er hægt að synda í kringum neðansjávareldfjöll, virða fyrir sér sjaldséðar dýrartegundir og skoða skipsflök á hafsbotni.

Heimshöfin þekja 70 prósent af yfirborði jarðarinnar og þar er að finna 80 prósent af líkríki hennar. Samt hefur mannskepnan aðeins kannað fimm prósent af höfunum.

Í þessari útgáfu Google Earth 5 er einnig hægt að flakka um í tíma og rúmi. Hægt er að fara á svæði sem teknar voru af gervihnattamyndir fyrr á árum og sjá hvaða breytingar hafa orðið.

Svo er einnig búið að bæta við plánetunni Mars. Þar er hægt að fara um í lágflugi og skoða landslagið.