Blackwater missir starfsleyfi í Írak

Yfirvöld í Írak hafa tilkynnt að starfsleyfi Blackwater öryggisþjónustunnar verði ekki endurnýjað.

Blackwater hefur hundruð þungvopnaðra öryggisvarða í Írak og er helsta verkefni þeirra að vernda bandaríska embættismenn.

Fyrirtækið notar bæði brynvarða bíla og þyrlur og státar af því að enginn af skjólstæðingum þess hafi verið drepinn.

Stjórnvöld í Írak hatast hinsvegar við Blackwater eftir að liðsmenn þess skutu að minnsta kosti 14 óvopnaða Íraka til bana í september árið 2007.

Sex svartvetningar hafa verið ákærðir vegna þess atburðar. Bandaríska sendiráðið í Írak hefur staðfest að Írakar hafi tekið þessa ákvörðun.