Óttast aukinn styrk al-Qaeda í Jemen

Bandaríkjamenn eru uggandi vegna stóraukins fjölda al-Qaeda-liða sem nú streyma frá Sádi-Arabíu til Jemen þar sem samtökin hafa orðið töluverðan liðsstyrk.

Viðbúnaðarstig bandaríska sendiráðsins í Jemen var hækkað fyrir nokkrum dögum vegna hættu á því að ráðist yrði á það og gefin var út viðvörun til bandarískra borgara sem kynnu að vera á ferð í Jemen. Auk ótta við árás á sendiráð Bandaríkjanna er talin hætta á að al-Qaeda hafi í hyggju að ráðast gegn olíubirgðastöðvum í Sádi-Arabíu.