Segir Íra eiga að hóta að draga sig út úr evrusvæðinu

Einn af fyrrverandi stjórnendum írska seðlabankans, David Mc Williams, segir að ef Evrópusambandið komi Írum ekki til hjálpar í efnahagskreppunni eigi Írar að hóta því að draga sig út úr evrusvæðinu.

McWilliams segir að erfiðleika Íra megi að miklu leyti rekja til þess að þeir geta ekki stýrt genginu í landinu með hliðsjón af ástandinu heimafyrir. Spánn og Ítalía myndu svo líklega fylgja í kjölfarið, sem yrði mikið áfall fyrir evruna.

Í Telegraph segir að þessi hótun endurspegli biturð Íra út í Evrópusambandið en þeir telja að sambandið láti þá gjalda þess að hafa ekki samþykkt Lissabonn-sáttmálann svonefnda.