Herskipum í Nagasaki mótmælt

Bandaríska herskpinu Blue Ridge var ekki sérlega vel tekið þegar það kom til Nagasaki. Tilgangur heimsóknarinn var að bæta og treysta samband Bandaríkjanna og Japans.

Íbúarnir eru hinsvegar ekki búnir að gleyma því að klukkan tvær mínútur yfir ellefu hinn níunda ágúst árið 1945 sleppti bandarísk sprengjuflugvél kjarnorkusprengju sem kölluð var Feiti strákurinn yfir Nagasaki.

Það var sex dögum eftir að Hiroshima var flött út með fyrstu kjarnorkusprengjunni sem varpað var í stríði.

Samkvæmt tölum sem er að finna í Friðargarðinum í Nagasaki féllu 73.884 íbúar borgarinnar og 74.909 særðust.

Nokkur hundruð þúsund til viðbótar dóu eða veiktust af geislavirkni.