Alonso: Getum náð United

Xabi Alonso, leikmaður Liverpool, telur það mögulegt fyrir sína menn að ná Manchester United að stigum áður en tímabilinu lýkur í vor.

Liverpool er sem stendur einu stigi á eftir United á toppi deildarinnar en síðarnefnda liðið á þó leik til góða.

„Við getum orðið Englandsmeistarar. Það er mun líklegra nú en fyrir mánuði síðan þegar við vorum mörgum stigum á eftir þeim," sagði Alonso í samtali við enska fjölmiðla.

„Liverpool hefur sýnt á tímabilinu að það var betra en United í tveimur innbyrðisviðureignum liðanna. Það er enginn sem getur andmælt því."

„Það er alls ekki ómögulegt að ímynda sér að við vinnum alla okkar leiki sem eftir eru og að United tapi tveimur."

„En við vitum að við þurfum að halda ró okkar og spila án þrýstings og ótta. United veit vel hvernig á að spila undir þrýstingi en það hafa verið sprungur í leik þeirra í síðustu tveimur leikjum. Við erum tilbúnir að nýta tækifærið."