Scott Parker ekki á förum

West Ham United hefur gefið það út að félagið ætli ekki að selja Scott Parker. Parker er einn af mörgum leikmönnum félagsins sem hafa verið orðaðir við önnur lið að undanförnu.

Sögur voru á kreiki um að Manchester City ætlaði að kaupa miðjumanninn á 12 milljónir punda. Parker er einn af launahæstu leikmönnum West Ham og því talið að vegna fjárhagsörðugleika myndi félagið vera tilbúið að selja hann.

En talsmaður West Ham sagði við Sky Sports að Parker væri ekki á förum frá félaginu.