Dönskum lögreglumönnum fjölgað

Einkennisklæddum lögregluþjónum mun fjölga á götum Kaupmannahafnar verði hugmynd dönsku ríkisstjórnarinnar að veruleika. Tilgangurinn er að freista þess að bæta úr því ástandi sem verið hefur að undanförnu þar sem skotárásir og morð eiga sér stað á fárra daga fresti.

Hugmyndin var tilkynnt í dómsmálaráðuneytinu í Danmörku í dag og segir dómsmálaráðherra að við þær aðstæður sem nú ríki sé hagkvæmt efnahagslega séð að hafa marga lögregluþjóna á götunni. „Þetta er jú það sem við höfum þörf fyrir og borgararnir sækjast eftir. Þeir vilja sjá lögregluna. Þeir vilja sjá öryggi. Það er mjög mikilvægt," sagði Hanne Bach Hansen, lögreglustjóri á blaðamannafundinum. Hún vill þó ekkert segja til um hversu mikið lögregluþjónum á eftir að fjölga.

Lögreglan í Danmörku telur jafnframt að svokallað svæðisbann sé mjög mikilvægt. Það gengur út á að lögreglan geti vísað fólki frá ákveðnum svæðum eða handtekið það.

Í þessu samhengi vísar Hanne Bech Hansen til ungs fólks sem heldur til við Blågårds Plads i Kaupmannahöfn. Það fólk hefur í sumum tilfellum skotheld vesti og er með lögregluskanna. Þessu fólki vill Hanne Bech ná meiri stjórn á.