Innlent

Meirihluti andvígur ESB

Nú segjast 59,8 prósent ekki vilja að Ísland sæki um aðild að Evrópusambandinu, samkvæmt nýrri könnun Fréttablaðsins. Í nóvember á síðasta ári sögðust 59,6 prósent vera fylgjandi umsókn um aðild.

Sérstaklega er andstaðan hörð á landsbyggðinni þar sem 68,5 prósent eru andvíg umsókn, en 53,2 prósent íbúa á höfuðborgarsvæðinu.

Mest er andstaðan við aðild meðal kjósenda Sjálfstæðisflokks, Frjálslynda flokksins og Vinstri grænna. 75,0 prósent sjálfstæðismanna, 83,3 prósent frjálslyndra og 71,1 prósent vinstri grænna styðja ekki umsókn í ESB. Meðal framsóknarfólks og þeirra sem ekki gefa upp stuðning við flokk er munurinn minni, þar sem tæplega 60 prósent styðja ekki umsókn.

Meirihluti samfylkingarfólks, 73,1 prósent, styður aðildarumsókn í ESB.

Hringt var í 800 manns fimmtudaginn 22. janúar og skiptust svarendur jafnt eftir kyni og hlutfallslega eftir búsetu. Spurt var: Á Ísland að sækja um aðild að Evrópusambandinu. Tóku 73,4 prósent afstöðu til spurningarinnar.- ss





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.