Mál blaðakonunnar Saberi tekið fyrir

Íranskur dómstóll tekur á morgun fyrir áfrýjun á dómi yfir írönsku-bandarísku blaðakonunni Roxana Saberi. Hún var í síðasta mánuði dæmd í átta ára fangelsi fyrir njósnir. Saberi hafði þá um nokkurt skeið starfað í Íran sem fréttaritari fyrir vestræna fjölmiðla.

Ekki er talið að niðurstaða fáist á morgun og gætu liðið nokkrar vikur áður en hún liggi fyrir. Saberi fór í mótmælasvelti skömmu eftir að dómurinn var kveðinn upp um miðjan apríl en fór aftur að matast á mánudaginn síðastliðinn. Þá mun hún hafa verið töluvert máttfarin.

Bandarísk stjórnvöld segja málið gegn Saberi allt tilhæfulaust og krefjast þess að hún verði þegar látin laus. Málið hefur gert Baracks Obama Bandaríkjaforseta erfitt fyrir að friðmælast við Írana.