Erlent

Trúarbragðastríð í Vínarborg

Óli Tynes skrifar
Lögreglu- og sjúkralið fyrir framan musterið í Vínarborg.
Lögreglu- og sjúkralið fyrir framan musterið í Vínarborg. Mynd/AP

Bæði skammbyssum og hnífum var beitt í bardaga milli síkka í indversku musteri í Vínarborg í dag.

Að minnsta kosti níu manns særðust sumir lífshættulega. Venjubundið bænahald stóð yfir í musterinu þegar ólætin hófust.

Nokkrir vopnaðir menn stóðu þá á fætur og réðust á predikarann og aðra safnaðarmeðlimi. Ekki er alveg ljóst hvað var þarna eiginlega á seyði.

Í fyrstu var sagt að þetta væri stríð milli tveggja fjölskyldna. Síðar var sagt að þetta væri mögulega vegna deilna milli mustera um hversu mikið ætti að fara eftir bókstafnum í trúariðkun.






Fleiri fréttir

Sjá meira


×