Sólkerfi í dauðateygjum

Hubble geimsjónaukinn tók þessa mynd af þrem sólkerfum langt langt í burtu. Þessi sólkerfi eru að togast á um tilveru sína. Það má kannski líkja því við reiptog þar sem keppendurnir reyna að draga hvor annan til sín.

Björtu deplarnir tveir ofarlega til vinstri og neðarlega til hægri virðast vera venjuleg sólkerfi.

Þokukenndi bletturinn til hægri á miðri myndinni er hinsvegar skaddað sólkerfi sem virðist vera að tapa reiptoginu.

Nágrannarnir eru að tæta það í sundur með aðdráttarafli sínu. Átök þessara sólkerfa hafa dregið til sín stjörnur frá öðrum sólkerfum sem skína dauflega í himinfestingunni.

Þessi sólkerfi líta tæpast út í dag eins og þau gera á þessari mynd. Þau eru í 100 milljóna ljósára fjarlægð frá jörðinni.

Á myndinni eru þær þær því eins og þær litu út fyrir 100 milljónum ára. Skaddaða sólkerfið gæti verið horfið eða allavega mikið breytt.