Kanna hugsanlega stríðsglæpi á Gaza ströndinni

Alþjóða glæpadómstóllinn í Haag í Hollandi hefur hafið frumrannsókn á því hvort Ísraelar hafi framið stríðsglæpi í innrás sinni á Gaza ströndina.

Skrifstofa saksóknara við dómstólinn segir að henni hafi borist 210 ábendingar frá einstaklingum og samtökum vegna innrásarinnar.

Í tilkynningu segir að þessi frumrannsókn feli ekki endilega í sér að formleg opinber rannsókn verði hafin.

Hinn nýi fulltrúi Bandaríkjanna hjá Sameinuðu þjóðunum, Susan Rice, sagði í síðustu viku að Ísraelar yrðu að rannska ásakanir um að her landsins hefði brotið alþjóðalög.