Obama til bjargar heimilum

Heimilum allt að níu milljóna Bandaríkjamanna verður bjargað gangi áætlun Baracks Obama Bandaríkjaforseta eftir en hann hyggst verja 75 milljörðum dollara til aðstoðar fólki sem á yfir höfði sér að missa húsnæði sitt vegna vangoldinna afborgana.

Obama kynnti björgunaráætlunina í ávarpi í gær og sagði við sama tækifæri að nú yrðu allir að sýna ábyrga hegðun í fjármálum og eyða ekki neinu um efni fram. Reglur yrðu að vera skýrar og sanngjarnar og bankar yrðu að hverfa frá öllum þeim starfsháttum sem upphaflega komu þeim í vandræði.